بحث هذه المدونة الإلكترونية

الخميس، 1 ديسمبر، 2016

فطوري المتاخر مع صديقاتي ،،



أهلاً  يا أصدقاء ،،

بشارككم اليوم فطوري المتأخر لصحباتي  ، كان بسرعه بسرعه وغير مخطط له
بفترة الإجازه كنا نحتاج نغير جو من فترات الملل الى تمر علينا ببعض الأوقات ،فكرت اني ادعوهم بشقتي واقرب شئ مرر ببالي انيِ أعد لهم فطور ،
اولا: تغير عن جلسات العشاء المتاخره
ثانيا: نكسر الروتين ونتجمع بوقت صباحي وشمس ،سبحان الله كان له تاثير كبير بجمعتنا .



أجمل شي بالفطور ماتتقيدين بشئ معين كانت خياراتي بسيطه كل وحده فينا جهزت شئ ،عني جهزت الشاي ،مربى وقشطة ،ميني ساندوتش محشي بيض وجبن ،وسلطة الموتزريلا مع البلسمك والشكشوكه طبعا والبنات جابو كلوب ساندوتش والبان كيك .













أشوفكم على خير ،،،

الثلاثاء، 25 أكتوبر، 2016

و عدنا ،،

،





أهلاًأصدقائي ،،

بعيداً عن المقدمات وعن فترة انقطاعي ها أنا ارجع لكم من جدديد .

بالفترة الاخيره كنت اشعر أن عندي طاقه ابداع عاليه
وهذا شئ ممتع بالنسبة لي استمد هذا الشئ من صديقاتي وأهلى وبالأخص خوااتي ❤️.

لما امر بفترة هدوء داخلي على طول احس نفسي اجلس بمكاني المعتاد جهه سريري عند الكومدينه مادري شنو السبب ، " يمكن لان مصدر الكتب والمجلات الخاصه فيني اللى اطلع عليها هناك "




اكثر شئ ممتع يستهويني الطبخ علماً قبل الزواج كانت في علاقه كره بيني وبين المطبخ 😅

الايام خلتني احبه وابدع فيه ، بالفتره الاخيره اّبدعت بالعجن وجربت اكثر من طريقه للأمانه كانت اغلبها ناجحه  وهذا اللى زاد اصراري اتعلم اشيا جدديده ، بالبداية تعلمت الفطائر التقليديه المعتاده بكل بيت ومن بعدها تعلمت لفائف السينابون بطريقه تشهييي جداً 😋
راح اكتب لكم كل عجينه واستخداماتها وكم تبقى معك بالبوستات الجايه .

شئ بخاطري وكتبته ❤️ .
   

الأربعاء، 10 سبتمبر، 2014

pudding,,

بودينغ  ،،






raspberry pudding ,,








cinnamon pudding with chocolate sauce,,





حلا سهل وسريع وجميل ،،
من الوصفات الي استخدمها باستمرار وتنفع وقت الضيق اذا ماقدرتي تجيبي حلا من برا للضيوف وتصلح برضو للفطور ،،
اهم وصفاتها شرايح البريد البايته (قصدي الي عدا عليها من يومين الي ثلاث ) طريقتها شبيها بالفرنش توست بالفرن . الاضافات تقدرين تختارينها انتي وعلى حسب الي مسويته لهم . الاضافات المقترحة ( نوتيلا / توت /قرفة مع جوز البقان /قطع تشوكلت تشبس /خوخ مقطع صغار ) والمقادير متوفره بكل بيت  . ملاحظة اخيرة : نقدر نستبدل شرايح البريد بالكروسان ،،


الطريقة :
شرايح من البريد الابيض نقطعه مربعات او مثلثات عشوائيه
بيض
قشطة خفق سائلة للحلويات
سكر
قرفه
الاضافه حسب الرغبه (توت )

التزيين :
لوز محمص او جوز البقان
سكر بودر
جبن كيري
حليب مكثف

ما استخدم كميه معينه بالنظر ،،

نخلط ماسبق بوعاء (البيض /قشطة الخفق /القرفه / السكر )وندهن صينيه الفرن بالزبده نضع البريد المقطع مع الاضافه المفضلة (التوت ) رشي قليل من السكر فوق قطع التوت ، ثم نسكب باقي الخليط وندخلها الفرن ..

نخلط الحليب المكثف مع الكيري للتزين .

وبالهنا وبالعافيه ،،



الأربعاء، 2 أبريل، 2014

Chicken kasadia



تشكن كساديا ،، 


مقادينا : 
خبز تورتيا افضل نوع MF 
صدور دجاج مقطع شرايح 
فلفل احمر واصفر واخضر شرايح
بصل مقطع شرايح 
فطر شرايح 
ذره 
ملح وفلفل 
قليل صويا صوص الحلو 
بهار الريحان المجفف 
بهار الأورغيانو 
وماننسا جبن تشيدر مبشور 


الطريقة : 

نحمي الزيت ، ونحمر البصل بعدها الدجاج اول ماينضج نحط الفلفل والفطر والذره والبهارات والصويا 
نجهز صاجه عشان نحمر التروتيا نحط من جهه وحده الحشوه وبعدها الكساديا ونسكرها نحمرها من الجهتين 
نقطعها مثلثات ونقدمها 



للتغميس : 
تقدري تحطي ساور كريم او غموس الناتشوز 

الثلاثاء، 11 فبراير، 2014

Chinese night



الليله الصينيه 

من الأشياء الى استمتعت وانا اسويها وحبيت يشاركوني خواتي معي وكانت من اجمل الأشياء الي عملتها 

عملنا "سوشي بالخضار ،وكالفورنيا شرمب،ودجاج، دانميت شرنب ،ونودلز" 


بالبدايه بتكلم عن رز السوشي اخذته من التميمي ، 
مقادير رز السوشي : 
٢ كوب رز سوشي 
٣ اكواب ماي ( نحتاج لكل كوب رز كوب ونص ماي ) 
نص كوب خل رز 
ربع كوب سكر 
٢ م ملح 
الطريقه : 
نحط الرز بالقدر ونصب فوقه الماي ونشغل الفرن علي الهاي ( الحراره العاليه ) 
اول مايبدا بالغليان نسكر الفرن ونخليه علي جنب يبرد 
* نخلط الخل والسكر والملح لين يذوب 
بعد نص ساعه نرجع للرز بيكون برد ويصير سهل نتعامل معه نصب الخلطه عليه ونخليه شوي ونغطيه بقطعه قماش 


الحين نجهز اغراض السوشي .. 


نحتاج مده نفس هالنوع ونغطيها ببلاستك عشان نحافظ علي اكلنا ويكون مرتب ونحتاج ورق النيرو طحالب 

نحط الرز عليه ونعبي الورقه كلها نحاول مانكثر وبين فتره والثانيه بللي يدك بمويه لسهولة الشغل 



بهالشكل يكون والحين نشيله بشوي شوي ونقلبه ويصير الرز من تحت والنيرو فوق 

مسحت  الكريمي تشيز وحطيت قطع الخيار واذا تحبين الأفكادو حطيه معه بس حاولو تحط نه من البدايه هنا انا غلطت 


ولفيناها طريقة اللف صعب اصورها لان يبيلها وقت لتتعلمينها فتحي اليوت يوب ويشرحون لك كيف 


غطيته بخبز مطحون صيني 


وقطعناه وكان جميل طعمه مرا وهذا الكريمي نشير بالخضار للي مايحبون البحريات 

___________________________


الان كالفورنيا 


الصوص الي استخدمته مايو تشب فقط 

قبل التقطيع غطيناها بسمسم كان طعمه لذيذ 


الدينميت شرنب .. 
قلينا الربيان وخلطنا التشيلي صوص مع التتبيله الحاره لاجنحه الدجاج والتتبيله الفرنسيه وسومطرا خلطناها وصبيناها فوق الربيان فقط ..